周杰倫23年前被盜電單車 網民揭偷車賊一直有做車檢

啱啱喺台北大巨蛋開完四場演唱會嘅周杰倫，勾起歌迷大量回憶，同時亦有唔少fans紛紛考古，挖出當年周董嘅演出、訪問片段，當中最有趣嘅一樣，就喺佢當年首次參加金曲獎時，自爆電單車被偷嘅訪問片。由於當時周董直接報出車牌，故有網友就好奇上網翻車呢部電單車嘅「近況」，估唔到架車一直都有被使用，喺2020年都仲有去做排氣檢查。
lok666_460183129_853484283553221_6957357852037680842_n.jpg
周董喺2001年首次參加金曲獎後，喺慶功宴上同當時老闆吳宗憲一齊接受訪問，當時吳宗憲爆料指周董喺頒獎禮前曾經問佢，如果自己拎到兩個獎嘅話，可唔可以送部電單車畀佢，吳宗憲話周董之所以會有呢個要求，原來係愛揸電單車嘅佢，當時畀人偷咗部電單車。周董喺鏡頭面前嬲爆爆咁話：「小偷應該不知道偷的是周杰倫的。」之後仲公開自己嘅車牌同顏色。
周董 2001年喺訪問中自爆電單車被偷。周董 2001年喺訪問中自爆電單車被偷。
點知呢條考古片被挖出後，大家都相當好奇周董架車嘅「近況」，根據台灣環境部機車排氣定期檢驗資訊管理系統嘅資料顯示，周董架電單車被偷後，2003年到2020年都有拎去驗車，不過目前已經被報廢，所以網上顯示「IBM-886 非使用中狀態不須檢驗」。

網頁顯示，架車被盜後都仲有做車檢。