肥媽孖黃劍文譚輝智進行拜神儀式 古淖文餵黑妹食靚燒肉好貼心

肥媽Maria Cordero同黑妹李麗霞噚日喺伊館舉行《媽妹笑住唱Part II》演唱會開鑼，二人一連兩晚為觀眾帶嚟歡樂，同時獻上歌聲回饋樂迷支持，肥媽、黑妹同一眾演出嘉賓羅敏莊、黃劍文、古淖文及譚輝智呢日進行拜神儀式，祈求演出順利。

肥媽同黑妹噚日喺伊館舉行《媽妹笑住唱Part II》演唱會開鑼。
向來為食嘅肥媽一見到枱上拜神肥雞，即刻忍唔住食雞髀醫肚，一啲都冇戒口，連契仔古淖文眼見契媽食得津津有味，忍唔住讚肥媽識食識揀，古淖文就揀咗件靚燒肉，親手餵黑妹姐，哄得黑妹心都甜埋，肥媽大受現場嘅姐姐歡迎要求合照，未開騷前，後台已充滿歡樂氣氛。

古淖文就揀咗件靚燒肉，親手餵黑妹姐。向來為食嘅肥媽一見到枱上拜神肥雞，即刻忍唔住食雞髀醫肚。肥媽大受現場嘅姐姐歡迎要求合照，未開騷前，後台已充滿歡樂氣氛。肥媽、黑妹同一眾演出嘉賓呢日進行拜神儀式，祈求演出順利。