TVB大寶藏丨佘詩曼創下台慶頒獎禮紀錄 與一眾頒獎嘉賓結下不少劇緣

《萬千星輝頒獎典禮2024》現正接受觀眾喺網上投票，大家可以喺香港時間2025年1月12號深夜12點前透過《萬千星輝頒獎典禮2024》二維碼，連結至投票網頁，投選心水選擇。
呢一幕令人勾起太多回憶。
喺大家投票同時，《TVB大寶藏》就同大家回味下《萬千星輝頒獎禮2023》嘅大贏家佘詩曼，同頒獎嘉賓嘅戲劇緣份，先係宣布佢獲得「最佳衣著女藝人」獎嘅馬國明，佢哋喺2014年合作劇集《愛情來的時候 新加坡》。
羅嘉良 佘詩曼 佘詩曼 林保怡

負責頒發「馬來西亞最喜愛TVB女主角」獎畀阿佘嘅修哥胡楓，就喺2002年於《情牽百子櫃》結劇緣。之後阿佘再憑《新聞女王》奪得「大灣區最喜愛TVB女主角」，頒獎畀佢嘅羅嘉良同林保怡，亦先後喺2001年嘅《七姊妹》同2005年嘅《隨時候命》合作過。

《使徒行者》
當晚頒獎禮高潮之一「最佳女主角」，林峯同楊茜堯宣布係《新聞女王》佘詩曼奪得，而兩位頒獎嘉賓，同樣係阿佘嘅拍擋，佢哋分別喺2014年《使徒行者》同2013年《宮心計》合作過。而獲阿佘介紹出場宣讀「最佳劇集」獎項嘅張智霖，就合演過2000年嘅經典劇《十月初五的月光》。
《宮心計》