密友蘇施黃提早為金燕玲慶祝生日 約古巨基蔡一智睇子華舞台劇對愛有感而發

12月15號踏入金燕玲70歲生日，密友蘇施黃與一班好友一齊為佢提早慶祝生日，噚晚佢哋一齊捧場睇黃子華同劉嘉玲主演嘅舞台劇《香港式離婚》，蘇施黃更將開心合照放上社交平台，指呢個蛋糕係金小姐今年第一個生日蛋糕，預祝對方生日快樂！

12月15號踏入金燕玲70歲生日，密友蘇施黃與一班好友一齊為佢提早慶祝生日。
資深女演員金燕玲曾喺短短三年內兩度戰勝癌魔，近年復出過戲癮，喺《不日成婚2》飾演佳母、《破‧地獄》飾演蓮姐等，閒時就同一班老友聚會，相中見金燕玲一頭白色短髮，精神不錯，切蛋糕時更係笑容燦爛。

噚晚佢哋一齊捧場睇黃子華同劉嘉玲主演嘅舞台劇《香港式離婚》。呢個蛋糕係金小姐今年第一個生日蛋糕，預祝對方生日快樂！
蘇絲黃噚晚同古巨基、蔡一智及金燕玲等好友一齊睇舞台劇，佢有感而發：「劇中其中一句，『…結婚一頁紙，離婚時一百五頁紙…』中間出咗甚麼問題？人生最大的學問就係學怎樣去愛。無論係對身邊的人、家人、朋友、鄰居，同學、同事… 開始時是愛你😍 中段係哥林多前書 13:4-7『愛是恆久忍耐…』😅 死時仍然是愛你❤️」蘇絲黃亦叫大家朝向呢個方向努力學習。

蘇絲黃噚晚同古巨基、蔡一智及金燕玲等好友一齊睇舞台劇。