文俊輝與偶像成龍合作新戲 追星集郵對象粒粒巨星

韓國大勢男團SEVENTEEN嘅中國籍成員 JUN文俊輝 ，近年返內地發展成績不俗，參與唔少影視作品，演技得到肯定，近日佢就同成龍、梁家輝兩位大前輩，以及新生代動作明星此沙合作拍攝新戲《捕風捉影》，除咗一圓拍攝動作片嘅夢想，最令JUN開心嘅一定係可以同自己由細到大嘅偶像成龍合作啦！

JUN 終於圓心願同偶像成龍合照
JUN喺微博post咗同成龍大哥嘅合照，並留言寫到「一起打打打的日子結束了，忘不了各位前輩的指導與教誨。」查實JUN早年喺訪問中曾經講過，自己最鍾意嘅偶像就係成龍，希望有一日可以好似成龍一樣拍攝動作片，估唔到JUN今次唔止有份參與動作片，仲同偶像成龍合作，直頭係超額完成！
年紀細細已入行嘅佢，過往合作過嘅藝人粒粒皆星

而網友亦幫JUN整理咗佢由細到大同大明星合照嘅追星紀錄，包括劉德華、洪金寶、陳奕迅、謝霆鋒、曾志偉等都曾經係佢嘅集郵對象。

Eason當年拍《野．良犬》JUN亦有份演出

童星出道嘅JUN曾經拍攝過唔少電影，當中大家較為熟悉嘅包括《野·良犬》、《葉問前傳》，佢更憑《野·良犬》當中嘅角色獲得第27屆香港電影金像獎「最佳新演員」提名，並且獲得香港電影導演會年度大獎頒發嘅「年度新晉演員銀獎」。

近年已化身一名花美男
曾先後拍攝多部內地作品