富貴千團｜黃庭鋒歐陽偉豪爆肚演出 湯洛雯情傷後黑化拒愛

新劇《富貴千團》中描述金錢慾望嘅世界，呢集喺劇中組成「OPM」嘅成員湯洛雯、黃庭鋒、 Ben Sir歐陽偉豪等就以身犯險，游說倫敦金其中一位主腦戴耀明落搭，點知局中有局，令OPM被尋仇打鑊甘！Ben Sir 笑言佢哋排住隊畀人打，開創咗被黑社會打嘅新面貌，而庭鋒就講笑話大家已經留咗手，只係打同一個位置。劇中幾位成員出盡法寶期望瘋狂搵錢
劇入面唔只有好多投資術語，一眾演員嘅對白亦相當破格，庭鋒指大家好多時都係爆肚演出，而Ben Sir就指因為太多術語，所以佢好多時都係即講即忘記，拍完嗰場戲就已經唔記得晒，而喺戲中飾演財經小白嘅庭鋒就話自己好好彩，可以唔使記呢啲難到爆嘅專業術語。
結果就有黑幫介入，嚇到Ben Sir同靚湯腳都震

除咗金錢同數字外，劇中庭鋒同靚湯都會有啲糾纏不清嘅關係，庭鋒就話同靚湯係界乎於友情多少少，但靚湯就踢爆嗰「少少」都係對方自己FF出嚟，因為劇中嘅佢畀男人傷害得太深，黑化後嘅佢唔會再諗愛情，變得只愛自己。

靚湯劇中用情太深而受傷
《富貴千團》星期一至五晚 20:30 翡翠台