蔡卓妍謝安琪玩新年團拜撈錢遊戲大豐收 Bob「撈吉」變笑聲發動機

一班人新年團拜當然要準備啲Party Game，令過年嘅氣氛更加熱鬧，隨時隨地都充滿歡笑聲，噚日年初十蔡卓妍（阿Sa）、張繼聰、謝安琪（Kay）、C君、黃天頤、吳家忻及林盛斌（Bob）等一班圈中人相約聚會，而視帝張振朗同女友楊偲泳亦恩愛現身，眾人一齊玩「撈錢遊戲」，影片見阿Sa同Kay最豐收，而阿Bob就運氣差少少！

視帝張振朗同女友楊偲泳恩愛現身。
眾戴眼罩後，手持鑊鏟同一個籃，將桌上滿滿嘅銀紙撈進籃內，阿Sa不時幸運贏錢，年初十出席聚會，眾人抽先後次序輪住鏟錢，阿Bob雖然玩嗰陣鏟得好用力，但係一張銀紙都鏟唔到，阿Bob喺社交平台上載影片，笑指呢個故事話俾大家知「搵錢，唔可以一個剷」，好友阿聰就讚阿Bob係一座「笑聲發動機」。

戴上眼罩嘅阿Sa，好淡定將1000蚊紙鏟起並放入籃。
另一條影片見戴上眼罩嘅阿Sa，好淡定將1000蚊紙鏟起並放入籃，佢見鏟到錢即興奮料尖叫，並喺社交平台寫道：「Sorry阿Bob攞咗你1000，但係你真係笑死我，綜藝之王非你莫屬🤣，真係祥賭必贏😝😝😝😝，今個新年真開心，全年keep住開開心心。」

阿Bob雖然玩嗰陣鏟得好用力，但係一張銀紙都鏟唔到。
Kay玩得最優雅，鏟咗兩下就拎到600蚊，佢笑言：「新年一齊玩吓遊戲仔成班人都笑到出汗熱曬，淨係睇大家嘅反應已經好好笑真係好開心啊😂😂😂，我係咪玩得好斯文啊？」

Kay玩得最優雅，鏟咗兩下就拎到600蚊。