廣瀨鈴新片捲入藝文青三角戀 岡田將生憾拍戲錯失高中時光

日本靚女 廣瀨鈴 呢日以一身傳統和服，同拍檔 岡田將生 木戶大聖 砌埋一個嬲字為新作宣傳，新婚後首次亮相嘅岡田將生，新片中同兩位拍檔發生一段三角感情，當中充滿無奈同遺憾。

廣瀨鈴於新作中陷入兩難局面
佢哋呢日亦都提到過往嘅人生中，亦曾遇上唔少覺得失落同遺憾嘅事，好似一早就出社會工作嘅岡田將生，就指自己因為拍戲而錯過高中畢業旅行喇，同樣早早入行嘅廣瀨鈴，當年亦因為無法參與同學間嘅輕鬆生活而不快，至於木戶大聖就回想年輕時冇學跳舞覺得後悔咁話。
岡田將生婚後首度公開露面

生活唔如意十常八九，發掘當中有趣之處總會有唔少樂趣，好似岡田將生就指最近嘗試唔同嘅挑戰，不過就並非咩大學問或者危險動作，而係迷上飲水，此言一出令大家都難掩笑意，佢更話每日都限制自己至少要飲2公升水，更覺得更精神身體更好呀。

指自己迷上飲水嘅岡田，令兩位拍檔聽到一頭霧水