劉可慶祝歌迷會成立一周年 化身小導遊帶隊暢玩獻唱歡聚

劉可 參加《中年好聲音2》雖然12強止步，不過之後依然繼續闖蕩樂壇，又成立音樂工作室繼續發展，去年初又成立歌迷會，不時同一眾歌迷聚會，過往一年更先後舉辦超過10次活動。

劉可近日同逾80位歌迷慶祝歌迷會成立一周年
今年二月中劉可藉朋友會成立一周年，破天荒同超過80位歌迷朋友，一齊趁新一年去中山珠海旅遊行大運，以此作慶祝週年紀念活動。劉可唔止主辦呢次旅行，期間仲化身小導遊，一早就喺口岸迎接大家齊齊出發，由登上旅遊巴一路到景點，都不斷同歌迷互動、期間有講有笑、有問必答，氣氛非常熱鬧。
更齊齊去中山珠海玩足兩日，非常開心

去唔同景點玩樂遊覽之餘，當然唔少得團體大合照，佢又逐一同歌迷單獨合照。今次劉可亦專門安排Live House活動餘興，歌迷都樂享其中一飽耳福。
遊覽玩樂之餘，又安排列Live House演出

呢位小導遊再變身做返歌手為大家獻唱

雖然旅程只係短短兩日，不過劉可認為同大家可以零距離接觸，邊暢遊邊閑談日常，同歌迷好似朋友一般相處，真係有如歌迷會名稱「牛可朋友會」一樣，同大家成為朋友。而一眾團友都對今次旅程非常滿意，認為更加深入了解劉可，互相亦更了解，收穫滿滿。
牛河仲話希望大家近距離相聚，之後亦會籌備其他活動

事後劉可仲話，「牛可朋友會」周年紀念活動陸續有來，下次仲會同大家齊齊去主題樂園玩個飽咁話。

準備下次同大家齊齊去主題樂園嘅夢幻世界玩咁話