謝婷婷趁愛女生日罕曬家庭照證男友融入家中 舅父謝霆鋒錫Sara流露滿滿愛意

42歲謝婷婷自從2019年宣布生咗阿女Sara便淡出幕前，返溫哥華專心湊女，婷婷早前孖阿哥謝霆鋒去日本旅行，罕曬一張與外籍男坐私人飛機嘅合照，婷婷喺2月14號更公開認愛，一改低調作風，今日喺社交平台罕曬家庭合照，見外籍男早已融入女方家，一齊享受家庭樂。

42歲謝婷婷今日喺社交平台罕曬家庭合照，見外籍男早已融入女方家。

字裡行間向阿女表達滿滿嘅愛意。
婷婷以往喺社交平台分享女兒日常，一直小心保護愛女，用Emoji遮住愛女容貌，亦未有公布愛女生父身份，今日喺社交平台貼出多張家庭照亦唔例外，遮住阿女個樣，並留言祝寶貝女兒生日快樂，確信阿女係現實生活中嘅天使，字裡行間向阿女表達滿滿嘅愛意。

婷婷以往喺社交平台分享女兒日常，一直小心保護愛女，用Emoji遮住愛女容貌。

婷婷早前孖阿哥謝霆鋒去日本旅行，罕曬一張與外籍男坐私人飛機嘅合照。

謝霆鋒兩子Lucas謝振軒與Quintus謝振南亦有同行。
婷婷同時分享生活日常照，相中見外籍男與婷婷愛女Sara相處融合，一齊整甜品、一齊滑雪，對Sara樂於陪伴，照顧有加，早前佢哋更一齊同霆鋒去日本旅行。而舅父霆鋒更係錫到外甥Sara燶，唔只主動餵Sara食嘢，又陪Sara玩層層疊，均流露出甜絲絲嘅笑容，而外公謝賢同外婆狄波拉見到寶貝孫女Sara亦都好開心，可見Sara確係集萬千寵愛在一身！

霆鋒對住Sara流露出甜絲絲嘅笑容。外公謝賢同外婆狄波拉見到寶貝孫女Sara亦都好開心。霆鋒陪Sara玩層層疊。

外籍男與婷婷愛女Sara相處融合。婷婷主動公開曬愛，睇嚟佢哋呢段感情相當穩定。佢哋更猶如一家人，陪外籍男慶祝生日。外籍男又會教婷婷愛女一齊整甜品。