梁凱榳、鄺文珣老公應毅烽為音樂節獻唱 日本DJ Mao恨同星爺合作

日本DJ Mao濱崎真緒、藝人陳蕊蕊、鄺文珣與《中年好聲音》參賽者應毅烽，以及唱歌節目《中年好聲音》歌手梁凱榳等，日前現身一個音樂節揭開序幕，一眾嘉賓更身體力行，參與400米螢光夜跑。

鄺文珣與《中年好聲音》參賽者應毅烽，以及唱歌節目《中年好聲音》歌手梁凱榳等，日前現身一個音樂節揭開序幕。
陳蕊蕊有份協辦活動兼落場跑，更透露計劃喺3月舉辦女團選秀比賽，嚟緊就會簽一啲女團；而鄺文珣與老公應毅烽，以及資深歌手梁凱榳亦一同擔任活動嘉賓。

陳蕊蕊有份協辦活動兼落場跑，更透露計劃喺3月舉辦女團選秀比賽。
梁凱榳同應毅烽更先後獻唱，炒熱現場氣氛，鄺文珣喜歡跑步減壓， 應毅烽就認老，笑指兩個大兒子覺得佢跑步慢，多數係自己跑；應毅烽喺啟動禮上獻唱《你好不好》，太太鄺文珣透露正為老公創作新歌：「我最近寫歌多了，為佢寫一啲歌，因為佢真係好鍾意唱歌。」

應毅烽喺啟動禮上獻唱《你好不好》，太太鄺文珣透露正為老公創作新歌。
壓軸表演嘉賓DJ Mao濱崎真緒以流利普通話接受訪問：「我小時候是跑步好手，在學校第一。」已視香港為第二故鄉嘅DJ Mao，表示有意嘗試拍電影，問到DJ Mao想同邊位明星合作，原來佢最近為咗學廣東話，一直睇周星馳啲戲，佢好想見周星馳。

壓軸表演嘉賓DJ Mao濱崎真緒以流利普通話接受訪問。

DJ Mao最近為咗學廣東話，一直睇周星馳啲戲，佢好想見周星馳。