陳法拉澳洲開工跳降落傘夠刺激 興奮晒「走樣圖」

40歲女神陳法拉於2019年拉埋天窗，去年情人節喺社交平台宣佈女兒「小米妮」出世，囡囡已一歲幾，法拉不時分享與愛女生活照，同時陳法拉亦係工作狂，家庭事業兩邊兼顧，佢目前努力喺外國影圈發展，經常與國際巨星合作，近日陳法拉喺澳洲開工，有帶埋愛女隨行，非常愛錫女兒。

陳法拉最近因工作關係挑戰跳降落傘，一向玩得嘅陳法拉當然唔怕，事後更在Facebook貼出多張跳降落傘嘅相，當中有一張伸脷表情照十分搞笑，見佢塊面被吹到「走樣」，佢表示要記住呢一天，從朝早6
點開始工作，從片場直接進入跳傘，喺飛機跳下要45秒，然後降落喺海灘上，佢感謝生活帶來嘅所有冒險，不少網民讚佢表情有趣。