譚俊彥樂小姐雙劍合璧炮製盛宴黃宗澤姚子羚王浩信眾星慶元宵

TVB助理總經理樂易玲適逢元宵佳節，日前喺豪宅設宴，不少當家小生花旦捧場，樂小姐前日晒出影片，片中有不少聚會照，樂小姐同TVB部份藝員一齊慶元宵，佢更親自下廚，又有廚神譚俊彥（Shaun）出手，食到個個舔舔脷。

廚神譚俊彥（Shaun）出手，個個食到舔舔脷。

片中見藝人黃宗澤、王浩信、姚子羚、張振朗、譚俊彥、郭柏姸、馮盈盈、鄺潔楹、馬貫東、張曦雯、黎諾懿、何依婷、孔德賢、JW王灝兒、黃智賢、羅天宇、苗僑偉及戚美珍等現身，場面非常熱鬧。

樂小姐稱最開心見到一班同事食得開心，玩得盡慶。姚子羚、黎諾懿、張曦雯同黃建東明顯幾杯落肚，飲到面紅紅。相中所見，多位當家小生花旦都有出席。