成人教科書｜小朋友六任務學美醜觀念 Janees才華滿分自認唔靚

上星期《成人教科書》嘅「你我」主題家訪環節掀起熱話，而今個星期將以「美醜」為探討主題，七位參與小朋友洪焯霖(12歲)、洪司瑄(10歲)、 呂睿晞(9歲)、梁濼生(10歲)、何朗晴(12歲)、陳日曦(12歲)同陳澤峰（11歲），會透過揀生果、人像攝影、估植物價值、自我外表評分、髮型大改造，同藝術畫繪畫六大任務，探索佢哋點樣透過唔同任務，對「美醜」有全新同更多元嘅認識同概念。

到底美醜如何定奪？美醜能否主宰人嘅價值、甚至係人與人之間相處？何謂外在美？何謂內在美？靚嘢又係咪一定係鍾意嘅嘢？生得靚真係著數啲？以上種種都係今個星期以多角度探索嘅問題。 

今個星期亦有特別環節「Added Value」，邀請四位藝人 李爾晨 陳星妤 黃洛妍 同 劉展霆 同小朋友互動，佢哋當中Janees冋Eden妻認為自己冋「傳統嘅靚」有一段距離，Eden話：「一 個人個樣可能好靚，但佢做啲嘢唔係咁好的話，我就會覺得佢醜。我知自己唔符合傳統嘅靚，傳統男仔嘅靚係要高大，大隻同眼大。」

Janees亦認為自己並唔「靚」：「美醜對於我嚟講唔係典型嘅靚與唔靚，係一種感覺。我覺得自己外表上未必係靚，因為傳統嘅靚係要眼大、鼻高同嘴細，亞洲區仲特別要好瘦添。 我覺得自己基本上冇樣嘢符合，但我由細到大冇乜覺得自己唔靚，我搵到自己靚嘅地方。」Janees仲話細個最唔鍾意眼同嘴：「去到一個年紀我就覺得，唔係吖，佢哋幾特別吖！」足證心態決定一切。

雖然自覺外表普通，但Janees舉手投足都散發自信同優雅氣質，自9歲開始學習拉小提琴嘅佢，曾連續八年喺香港校際音樂節各組別嘅小提琴比賽奪得冠軍，仲以15歲之齡考入薩爾斯堡莫扎特音樂大學，更喺維也納普萊納音樂學院修畢小提琴演奏學士學位；擁有超凡演奏技巧同深厚音樂造詣嘅佢，去年參加 《聲夢傳奇2》亦榮獲亞軍殊榮。

以音樂敲響同小朋友友誼之鐘嘅Janees，一拉起琴弓就技驚四座，在座幾位小朋友聽到拍爛手掌，仲第一時間封佢為「100分完美姐姐」。而自覺外表輸蝕嘅Eden就獲朗晴大讚似韓星，仲邊讚Eden靚仔邊露出心心眼，令Eden受寵若驚。至於外界公認屬靚仔靚女嘅Kyle同Yvette又會收獲咩結果呢？

今個星期參與節目嘅小朋友各有特色性格，甜美嘅朗晴坦言自五年級開始已有美醜觀念，仲笑稱自拍照必然經過P圖先會公開，非常貪靚；可惜P圖經驗N咁多年嘅佢，就被指「P圖不如真人」，到底原因係乜？

開始進行任務前，朗晴認為生得靚有著數，而參與三集節目錄影後，佢對美醜唔上有唔同睇 法，仲話：「原來我比想像中更加貪靚！雖然我知道靚嘅嘢好快會變得唔靚， 但我覺得最緊要係靚咗先吖嘛。」

至於「蜜糖嘴」濼生，就向主持Tony大派高帽：「我真係好鍾意Tony Sir，因為佢好聰明。我覺得靚唔係等於鍾意，因為我鍾意我媽咪，但係佢都唔係幾靚。」

到底一班小朋友今次會點反轉傳統「思想世界」？今個星期節目亦會到訪特色畫廊、試畫藝術畫，「成人教科書」小隊喺欣賞一幅價值高達150萬港元嘅名畫後，不約而同O晒嘴， 想知有幾特別就要密切留意最後一星期嘅《成人教科書》喇。

《成人教科書》星期一至三晚 22:30 翡翠台