泰國人氣男神Win Metawin來港拍電影 大澳九龍城舊區取景

泰國人氣演員Win Metawin與菲律賓演員Janella Salvador主演嘅浪漫電影《Under Parallel Skies》 ，由獲獎無數嘅菲律賓導演Sigrid Bernardo執導，期待踏上一段充滿愛情、心碎及癒合嘅旅程，不少場景喺香港取景，由6月開拍，走遍香港舊區、離島及一啲景點。

Win憑大熱BL劇《只因我們天生一對》及泰版《流星花園》而走紅，佢本身係一名歌手，過去幾年發行過單曲，Win既係演員又係時尚界寵兒，Win首次拍電影作品，早前來港舉行粉絲見面會，《Under Parallel Skies》 取景遍及香港舊區包括九龍城，更去到坪洲、大澳離島區，劇組喺香港舉行電影拍攝開鏡儀式。 

而導演Bernardo認為泰國演員及菲律賓演員呢個組合作可以吸納更廣泛嘅觀眾，演員用獨特演技有助豐富故事，為扮演嘅角色帶來真實感覺。