李玟於明日「回家」長眠於武漢 同日家人將出席其紀念展開幕

樂壇天后李玟於7月初離世，據知CoCo家人為完成其心願，有意將佢嘅骨灰安葬返出生地武漢。經過連月安排，CoCo將會喺21號安葬於武漢石門峰紀念公園，同時會設立對外開放嘅紀念園同紀念館，以供fans緬懷一代天后。

據知紀念館由CoCo家人嘅支持下舉行，展覽會將會持續7個月，而念館將會喺21號下午揭幕，到時除咗會舉行記者會介紹紀念館同相關事宜外，Coco嘅媽媽同兩位家姐亦會出席。

於武漢出生嘅Coco，因為媽媽嘅原故而對武漢有特別情感。2022年Coco到當地出席百花獎閉幕式時，更開心表示：「武漢姑娘回家啦！」