一路向西2｜電影公司宣佈華麗陣容 日港女優集結明年開拍

2012年改編網絡小說拍攝嘅喜劇電影《一路向西》票房大收3200萬，事隔12年後，《向西》續集《一路向西2東京AV攻略》宣佈明年會於日本同香港兩地開始拍攝。原班人馬 張建聲 將再任男主角，而女角更包括5大港人熟悉女優 三上悠亞 波多野結衣  相澤南 村上悠華 同 香港AV代表 繪麗奈 。

張建聲將續任《一路向西2》男主角，另一神秘男角則尚未公佈身份

電影將以日本為主要取景地，5位女優會聯同大批AV新力軍以主場之姿出現。據指繪麗奈日前已動筆簽約，又同監製孫立基會面，今次演出更係佢出演AV後首部港產片作品，繪麗奈話：「聽講戲份都重，好緊張！希望到時能好好表現，發揮得最好，因為有時就算準備得幾多幾好，臨場都係要講一點運氣。」佢仲指戲中自己尺度「就係祼露」：「同其他女優一樣，但我相信感覺同平時拍AV一定有所不同，因為拍攝團隊係香港團隊，應該會有少少尷尬，但拍攝日子都唔少，會盡快適應。」

繪麗奈強攻日本之後亦會參與今次演出

今次新片集合幾位人氣日本AV女優，而繪麗奈就稱想同一眾同行見面喇：「全部我都想見呀，因為好多都係出道咗好多年嘅女優，真係唔容易，想同佢哋講聲『辛苦晒』。有一個就我同佢一樣係新人，我都有留意佢(村上悠華)。」

佢仲話想同同輩新人村上悠華，仲有幾位前輩見面交流

今次電影公司喺市道非常一般下，仍不計成本以逾2千萬港幣投資開拍新片，佢哋認為同市場缺乏「真正敢想敢拍又好玩嘅電影題材」有關，所以決定集結史上創紀錄數量嘅港日AV女優，組成「十八禁復仇者聯盟」。以極具臨場感手法帶觀眾冶遊東京。

已由AV界引退嘅三上悠亞亦會參與新片演出
出道15周年嘅波多野結衣亦將參演

相澤南亦將加入《一路向西2》