新聞女王｜北京直擊女王Man姐帶隊出巡 女主播曬冷分享劇中深刻片段

重頭台慶劇《新聞女王》收視口碑都非常不俗，唔止受香港觀眾歡迎，就連內地都掀起一陣女主播旋風，呢日Man姐 佘詩曼 就同監製 鍾樹佳 李施嬅 高海寧 仲有 王敏奕 一齊到訪北京，同一眾熱情觀眾Fans見面喇。

幾位SNK News嘅女主播唔止即場再同大家示範劇中金句，佢哋亦都同現場朋友分享佢哋對劇中最難忘嘅場面，Man姐就對老闆方太以手袋比喻新聞部眾人聽到目定口呆喇。至於同 馬國明 扮演嘅George曾經係一對嘅Selena，就妙答劇集中嘅情人點解次次分手都要落雨喇。

不擇手段背後有濃濃洋蔥嘅 高Ling，亦都指為爸爸驕傲絕對可以不惜一切，仲話最嬲係爸爸成日認錯死對頭之一張家妍係自己咁話。而秉持要Stay Hungry同Stay Stupid嘅初出矛蘆Venus，就認為新聞工作者要保持熱情去採訪每一單新聞喇。

呢日幾位女主播同監製都分別獲頒獎表揚，Man姐仲話要向每一位身陷職場時刻戰鬥中嘅打工仔分享，而日漸黑化嘅Selena就提醒大家要愛惜自己、高Ling就話大家要努力笑到最後努力做最後贏家，Venus就呼籲大家要抱持無懼之心呀。