周海媚病逝北京終年57歲 家人發噩耗：以你為榮

22:55更新 TVB發聲明悼念
前無綫藝員周海媚因病離世，無綫電視深表惋惜，並向其家人致以深切慰問。周海媚曾效力無綫多年，拍攝過多部劇集，包括《流氓大亨》、《赤腳紳士》、《義不容情》、《今生無悔》、《倚天屠龍記》、《情濃大地》等，其後演出《大鬧廣昌隆》一劇，人氣急升，演技大受讚賞。好戲之人離世，實在值得觀眾永遠懷念！

剛踏入57歲嘅 周海媚 12月11日於北京病逝，終年57歲。消息由佢工作室以家人名義向外界公告，家人亦稱以「海味」為榮，外界對12月6日先度過生日嘅海味突然離世無不震驚。

海味病逝消息星期一起於內地網上瘋傳，工作室未有即時回應事件，已令唔少人急得如熱鍋螞蟻，更有Fans催促相關工作人員澄清消減外界焦急。

雖然12日傍晚導演陳勳奇曾出面指出海味目前留醫中，可惜到晚間大約10點，工作室正式發佈令外界非常震驚亦難以置信嘅噩耗。