黃洛妍聯過百粉絲聚會 宣布明年出歌有連串新大計

黃洛妍Janees日前同過百位「妍究生」歡慶後援會成立一周年兼提前慶聖誕，《中年好聲音1》羅啟豪 Ramon 及《中年好聲音2》劉威煌亦以嘉賓身份現身，Janees 與兩位唱得之人 Ramon 及 Ryan 為大家共唱出10多首歌曲，猶如小型音樂會，令一眾「妍究生」聽出耳油。聚會少不了有抽獎同歡環節，Janees更親自作畫送俾為幸運嘅妍究生，十分寵粉！

Janees日前舉辦聚會同Fans見面

Janees喺聚會上亦宣布一個好消息，就係佢將於明年年頭推出個人第一首單曲，仲有計劃開個人演唱會，連串好消息令「妍究生」相當驚喜。

仲邀請咗劉威煌同羅啟豪擔任嘉賓

Janees 喺訪問環節亦感謝大家由《聲夢傳奇2》開始支持自己，雖然呢年未出歌，但演出過多個大型演唱會及舞台劇過得非常充實。今年都每次演出完最開心就係見到「妍究生」。而作為明年新人既佢，亦已經準備用好歌去報答一眾「妍究生」啊！