新城勁爆2023｜鍾柔美奪「勁爆人氣偶像」 詹天文林智樂雙雙獲「勁爆新人」

「新城勁爆頒獎禮2023」周六12月30號在會展舉行，鍾柔美（Yumi）及組合After Class去年奪得「勁爆新人獎」，今年Yumi以個人姿態奪「勁爆人氣偶像」，Yumi一上台就話要多謝好多人，包括一直喺佢身邊幫佢嘅團隊、當然唔少得樂小姐、家人、朋友及一直支持佢嘅「米粉（粉絲）」們，Yumi話會繼續努力出多啲歌，答謝一直喺音樂路上支持嘅朋友，之後跳唱《y2k還襯我麼?》。
今年Yumi以個人姿態奪「勁爆人氣偶像」。

繼Chantel同張弛豪一齊獲「勁爆躍進歌手」，詹天文同林智樂亦雙雙獲得「勁爆新人」獎，冇諗過今次有獎攞嘅Felix覺得喜出望外，佢特別要多謝默默支持佢嘅粉絲、家人同公司團隊，希望來年有更多好嘅作品帶比家，而Windy感謝一班「天文台（粉絲）」嘅支持，仲要多謝父母、監製、排舞老師等曾經幫助佢嘅人，佢仲話好驚自己漏多謝人，之後Windy即場演繹新歌《大雕刻家》。

Windy感謝一班「天文台」一直以嚟嘅支持。Felix覺得喜出望外，特別要多謝默默支持佢嘅粉絲。