何B新年低調返港大姐明曝近況 一頭銀髮笑容依舊精神十足

有「金牌司儀」美譽；2018年退休後甚少於香港出現嘅「何B」 何守信 新年期間原來低調返港，同一班多年好友包括「大姐明」 林建明 等見面歡聚，年屆83嘅何B一頭銀髮笑容如昔。

何守信(右一)低調返港過新年

曾連續主持15屆香港小姐競選嘅何守信，早喺60年代末已加入無綫電視兼職任體育評述，後來更成為《歡樂今宵》台柱，直至1987年離職，司儀形象深入民心。

何B有金牌司儀之稱，曾連續15年為港姐擔任司儀

被後輩稱為何B師傅嘅佢，後來移居加拿大多倫多，至1992年一度回港擔任奧運主持，1994年再次返港加盟亞洲電視，擔任唔同主持同演出。2008年何B同 毛舜筠 黎耀祥 謝雪心 歐錦棠 等參與處境劇《畢打自己人》嘅演出，扮演「好玩吧」老闆「殷大德」，為觀眾帶來無數歡樂。

2018年由港台退休之後，佢就重返加國養老，甚少公開現身

之後何B逐步淡出幕前，2011年起為香港電台《開心日報》擔任主持，直至2018年正式退休，之後重返加拿大安居。

何B早於1973年同演員 歐嘉慧成婚，可惜婚姻只維持兩年，之後圈內曾盛傳佢同 汪明荃 嘅緋聞，不過隨住佢離職移民而終結。到1996年何B同歌手 陳麗斯 再婚。