亞洲超星團｜決賽頭9名成員組限定男團LOONG 9出道志偉宣佈第二季隨即舉行

由世界各地匯聚而成嘅65位超星練習生歷經7個月時間，最終回《亞洲超星團》成團總決賽，星期日晚喺澳門舉行，9位最後入圍限定男團終於定出名單。

各位超星導師包括程瀟朱正廷同農夫率先為現場觀眾演出，之後18名進入最後決賽嘅超星練習生分為A、B兩組演出。

A組成員：陳梁、趙天翼、白子奕、金東彬、黃輝雄、郭殿甲、文佐匡、譚奕天、林士元
B組成員：江信熹、李權哲、黃奕斌、奧利、尹俊嵐、冼靖峰、梁詩煜、張鎬濂、陳鑫昊

A組成員陳梁、趙天翼、白子奕、金東彬、黃輝雄、郭殿甲、文佐匡、譚奕天、林士元先一同表演歌曲《我熱愛》，獲導師程瀟及蘇志威讚賞，Rain大讚佢哋喺舞台整體表現非常好。

隨後輪到B組成員江信熹、李權哲、黃奕斌、奧利、尹俊嵐、冼靖峰、梁詩煜、張鎬濂及陳鑫昊出場獻唱《無所畏》，Rain對佢哋表演感到非常之驚訝，希望佢哋繼續保持謙虛及初心，更加努力去實現夢想。

由曾志偉公佈第1同第2位成績。

A組選手演繹《I Do Love It｜我熱愛》。B組成員出場獻唱《Move Like This｜無所畏》。最終回《亞洲超星團》成團總決賽，星期日晚喺澳門舉行。

之後身為超星總製作人嘅 Rain 以超強氣勢為全場觀眾同即將踏入演藝新一頁嘅超星練習生演出《One And Only》。

由農夫負責宣佈賽果，李權哲先拔頭籌獲得「超酷之星」獎。公佈最後成團9人名單之前，大會先播放過去多個月各練習生嘅回顧片段，當中記錄佢哋不斷進步及辛酸難忘回憶；一眾未能入圍嘅超星練習生都再踏舞台，一齊演出《致明日的舞》。

李權哲先拔頭籌獲得「超酷之星」獎。