「黃金」不再｜深水埗黃金商場吉鋪湧現貼通告禁拍攝　網民唏噓：你真係要檢討吓！

最近YouTube有影片形容深水埗黃金商場吉鋪大幅增加，「黃金變死場」。黃金商場管理處（20日）發出通告指近日有場外人士肆意拍攝，將有針對性的照片及報道放於媒體報道，實行「亂衰」黃金電腦商場，使商場名譽受損，重申未經許可人士禁止場內拍攝。

商場通告又特別強調「保護黃金電腦商場聲譽人人有責」，稱管理處將安排保安人員加緊進行巡視場內工作。

網傳通告

這份通告引起網民關注，不少人看不明白通告「亂衰」的意思，估計是手民之誤。有人揶揄：「我中文唔好，有無人可以解釋「亂衰」點解「亂」字我，「衰」字我識，不過併埋就唔知點解。」「係咪文盲寫？」

也有網民認為他們應自我檢討不足之處：

「對面由死場變到人流指標，旺到就嚟掛牌上市，你呢邊就水靜鵝飛，真係要檢討吓」
「廁所要鎖匙已經老Ｘ土」
「點解保護佢嘅聲譽係人人有責？又唔係公共空間」
「唔出通告都冇乜人理，出完肯定日日都有人拍片放上網」
「講真，依個場係廿年前我真係會每個月故意去行幾次，近年，就算路過都唔會入去。。。」
「幫你話比人知有吉舖可租，等人嚟租唔係叫唱衰？」