車CAM片還原經過｜港鐵工程車剷上路欄「點做到」？後車車CAM揭曉答案

今早大埔公路沙田段近彭福公園對開發生交通意外，兩部客貨車相撞，涉及港鐵工程車。網民早前紛紛好奇「佢點做到？」答案終於揭曉！

當時在兩車後面行駛的汽車車cam片段可見，懷疑港鐵工程車企圖切線時出事。

網上片段截圖

車禍發生在10時許，港鐵工程車車禍後剷上路壆欄上。事件中一名乘客受傷，由救護車送院治理，意外原因仍待調查。 

相片在社交網站Facebook「大埔 TAI PO」群組曝光之後，引起網民議論紛紛，有人說：「佢點做到㗎 ？」「泊車啫小事」「高手」「果然高手在民間」「佢諗法係冇錯， MTR車向火車站衝去」。