屯門公路塞車期間 巴士內驚現小便疑雲😱

網上fb群組近日流傳一則帖文及一張相片，帖主指出「以後打死都唔坐最後排，而家未到汀九漫溜緊（塞車）無啦啦有個大叔行去最後一行窗邊坐低（當時最尾0個行冇人坐），聽到有水聲心諗飲野唔駛咁驚要去後面掛，然後個大叔好快就起身行返去前面車頭坐，我好好奇佢做咩，就望到呢個窿….附近濕咗….，我唔想去求證液體成份，總之唔敢坐呢個位了」。

從相片中可見，巴士座位的地上明顯有被人弄濕痕跡。

網上fb群組相片

網民對此反應極大，紛紛留言表示「怪唔得坐後排成日聞到尿味」、「又咁樣諗，如果佢真係落唔到車解決咁佢咁屙都算係咁，好過喺架車其他位屙」、「條褲有冇濕到先，同埋一定同車長講有人瀨左先可以拎去洗車，如果唔係聽日下家就坐上去架啦」、「妳應該興幸係水聲而唔係聞到屎味」、「其實男人老左好多都尿頻，其實佢都唔想」、「冇野裝又急到痴線呢個係最後方法」、「呢個窿本來有咩用？」、「屯門人的悲歌」等。