東張＋街訪｜葵盛東邨「必經」商場電梯圍封逾兩年　街坊：投訴都冇鬼用！

東張西望接獲葵盛東邨居民投訴，指商場有電梯圍封超過兩年，曾經向多個部門反映，仍然不得要領。「東張+」記者到葵盛東邨實地了解，現場可見，居民尤其是長者非常不便，經常要在巴士總站左穿右插，非常危險。

暫停通告暫停通告

有街坊接受「東張+」記者訪問時說，自從商場經營老人院後，電梯就封閉，令街坊無法從這裏上商場或者經過商場，「所以呢度啲人好唔方便㗎嘛，要喺呢度過馬路。」

街坊所指的地方，是樓下的巴士總站斑馬線，街坊坦言，以前可以搭乘電梯直接上商場：「依家好唔方便，尤其是係啲老人家要喺度行。」「梗係唔方便啦，我哋都幾廿歲，要喺呢度行。」「封咗真係好唔方便，封咗就死啦，啲人投訴都冇鬼用，我諗都封咗兩年。」問他有沒有投訴，他氣憤地說：「投訴有鬼用呀？都冇人理。」

現場可見，葵盛東邨似乎大部份住戶都是長者，另一位伯伯不敢多言，但是也慨嘆說：「本來呢度上去，但封咗都差唔多兩年。」

圍封達兩年

日前東張接獲觀眾陳先生（化名）報料，指這條電梯過去廿多年是葵盛東邨居民出入葵興站以及商場的必經之地，但圍封之後，居民被迫在樓下交通繁忙的巴士總站左穿右插，非常危險，他說：「我都見過好多次有的士、巴士緊急煞車，後生仔就話睇到，有時老人家過馬路未必睇到㗎嘛！」

陳先生亦如街坊所言，指出目前電梯樓上的位置是一間老人院，所以街坊們都懷疑老人院佔用了商場通道，他引述曾經有街坊跟他說：「人哋做多兩個床位好過啦，點會俾返條通道你？」陳先生認為，房屋署當初的設計是方便居民乘搭交通工具和到商場購物，認為若然改動屬實，將嚴重影響居民生活，更加會構成危險。

「東張＋」正向屋署了解事件。