精選精華2｜魚塘大王根叔與攝製隊獨處吐真言 直言「唔會轉畀啲孫」

《東張》一連三日跟進根叔魚塘個案，大律師陸偉雄為根叔成功領回失去的魚塘，但根叔因生病入院後，竟被幾年沒有出現的子孫從醫院接走「照顧」，從此不再讓根叔返魚塘，亦拒絕讓根叔跟合作十多年的陳女士見面。

根叔的孫仔孫女盧先生突然「蒲頭」受訪，竟然斥責與根叔「出生入死」十多年的拍檔陳女士圖謀不軌，想獨吞魚塘，並質疑爺爺是在不清醒下的情況下做決定。

在整個訪問期間，有一名女親友不斷在根叔耳邊作出「提示」，如：「將魚塘轉番畀子孫」、「同律師同東張西望講你啲意願」等，而根叔亦「木口木面」地於正式拍攝時講出相同說話。

但當攝製隊於房間跟根叔獨處時，根叔道出心底話，直言「我同佢（陳女士）唔係時間短，17年，我會對佢無微不至，佢唔使擔心，佢唔好以為幫我呢17年，我會白費畀佢，唔會呀！嗰啲孫緊張，驚死佢攞埋阿爺啲嘢！佢呢份人唔會呀！我知道呀！（轉畀啲孫？）唔會，佢喺我度咁耐，我知道應該點樣對人」。