小心有人話「轉錯錢」比你！網騙新招！戶口忽然有錢袋 原來借咗「大耳窿」！

騙徒網騙手法層出不窮，市民實在防不勝防，隨時中招！最新的一招，在某個電話群組中傳出，但相信未到「廣泛性」階段。

詐騙方式如下(引述自該群組) ：

「首先, 可能係財仔, 即喺財務公司, 會匯一筆錢到你嘅銀行戶口。然後你會接到電話, 對方會話佢唔小心錯誤將錢轉咗入你帳戶, 請求你將筆錢轉返比佢。於是, 你會去查你既銀行帳戶係咪有收到呢一筆錢。 當然你係會發現確實
有呢筆錢入咗帳戶。 你相信咗, 以為對方確實有轉錯錢比你。跟住你就會好老實咁將呢筆錢回返比對方。不過, 只要你將錢回比對方, 你就受騙了。 因為這呢筆錢唔係對方轉錯比你，而係對方透過非法途徑得到咗你既個人資料， 用你個人資料幫你申請咗一筆財仔貸款，再以轉錯帳既藉口等你將呢筆錢轉比佢！之後過一段時間, 你就會收到貸款機構銀行或財仔既催款電話。果時, 你至知道自己受騙，但已無法挽回！呢個騙術好厲害，請通知所有親朋小心防範。」

群友表示，有中招者亦在PAYME收到兩萬元，對方表示不小心轉錯錢，要求中招者回錢給他。但中招者醒目地表示這件事需交給銀行處理，待銀行作實後才將錢退回，結果成功逃過一劫！