「肥肝」襲藝人！牙醫都有事許廷鏗驚爆肝脂數驚人點算好

許廷鏗（Alfred）既是歌手又是牙科醫生，原來，牙醫都會有事！近期發福不少，令他開始擔心自己的身體，早前Alfred去了做檢查肝臟狀況，始驚覺自己有脂肪肝問題！

許廷鏗的在Youtube頻道更公開了身體檢查的肝指數，原來已悄悄響起警號！Alfred分享：「睇完片就知我今集挑戰性感底線，食嘢之前去咗做body check，而個肝嘅情況……（流汗……）肥肝狀況，280以上已經係犀利，咁你係323，都係一個比較高嘅數字，飲食方面要注意返，過多嘅糖分，同埋膽固醇身體吸收唔晒，就會儲落個肝度，同埋都要多運動，所以要多多注意。」

不少粉絲從Alfred的影片揭示他的「肥肝」情況不禁擔心，紛紛留言：「有冇人覺得睇Alfred食野好治癒LOL，不過知道佢食到有肥肝有啲擔心喎……」、「牙醫都係醫生，要注意健康，仲有大把樂迷搵你醫心(聽歌)同醫牙」。

而Alfred亦於日前回應一眾粉絲：「其實落雨又有咩好怕喔！大家都係人身體都唔係萬能，能醫也能學自醫，分享就更顯唔自私，好過一路都唔知……」

圖片來源：許廷鏗IG