JW王灝兒台上唱半首歌疑「出貓」睇歌詞 網民狠批：仲話優秀流行歌手？

《十大中文金曲頒獎典禮2024》於昨晚（23日）舉行，當中JW王灝兒獲得「優秀流行歌手大獎」，隨後，JW在台上演繹半首作品《13歲的天堂》，作為一個專業歌手的她，竟然在獻唱時多次「出貓」 ，疑似偷看寫在掌心上的歌詞筆記？

事緣是咁的，在頒獎禮期間，得獎歌手被安排演繹自己的作品，當輪到JW演出時，不難發現JW在台上頻頻望向掌心，疑似在偷看歌詞「出貓」，此舉隨即惹來網民強烈批評：「呢個真係世界級」、「自己歌都可以唔記下歌詞，仲話優秀流行歌手，優啲乜」、「無諗過佢咁唔專業寫歌詞落手」、「臨時演員都係演員！認真d啦！」等。

對此，JW亦有發文解畫：「經過15場嘅Broadway show⋯同埋連接住嘅演唱會⋯ 啱啱趕得切去頒獎禮🙈🥹sorrrrrrrryyy背完舞台劇，再要背30首歌再背四首歌嘅舞步，my goldfish brain really背唔晒所有嘢😭😭😭 下次一定背晒佢！！！！！😭😭😭」

但都有不少粉絲留言安慰：「唔緊要啦！這就是可愛及真性情的你😍😍但又好攪笑，第一次見有歌手咁樣記歌詞😂😂」、「加油JW💪唔好理佢啲噪音」及「你已經好好肯唱live，好過啲唔唱live嘅歌手🤗」。

圖片來源：網上截圖