咁幸福得唔得？伍富橋30歲生日富貴老婆梁兆楹連環送超強驚喜 球星簽名籃球仲有乜？

「億萬駙馬」伍富橋（Alvin）日前適逢30歲生日，富貴老婆梁兆楹（Shirley）當然不敢怠慢，好有心思為老公仔舉行大型生日派對，仲有一連串重磅禮物，睇到網民嘩嘩聲！列一列表先，重磅禮物包括：送上NBA球隊湖人Logo及籃球造型蛋糕、湖人當年奪冠陣容的球星簽名籃球，未算最勁！好戲在後頭，梁兆楹更為老公自訂了一個「623」車牌，仲親自為老公換上車牌，咁幸福得唔得，各位男生們羡慕嗎？

伍富橋生日當天，Shirley悉心安排了大型生日派對，順道慶祝老公入行十周年。派對上放滿伍富橋的1:1的人形紙牌，還印製了有老公肖像黑色Tee。Shirley更捧上NBA球隊湖人Logo及籃球造型蛋糕，以及湖人當年奪冠陣容的球星簽名籃球，超強驚喜感動又溫馨。

驚喜未完呀！Shirley特意以老公生日日期「623」自訂車牌，還親自為老公的黃色保時捷換上車牌，逗得伍富橋高呼：「多謝老婆」。

圖片來源：伍富橋、梁兆楹IG

厚禮一籮籮!靚!蛋糕好搶焦開心晒伍富橋30歲生日，好熱鬧多謝老婆!梁兆楹更為老公自訂了一個「623」車牌，仲親自為老公換上車牌