變態男兩度性騷擾《Hands Up》女主持 收JJ照曹銦玲嚇到叫咗出嚟

TVB兒童節目《Hands Up》的「蚌蚌公主」曹銦玲（Natalie）樣子甜美，成功俘虜不少粉絲，不過她近日卻受到變態男的性騷擾，其實已不只一次，令她忍無可忍，決定公開對方的變態行為，提防大家要小心。

曹銦玲日前在社交媒體限時動態上載了一張對話截圖，指對方傳兩次裸照騷擾她。曹銦玲表示：「第一次係6月2號，平時見佢都會cap低我電視演出嘅作品，所以我都毫無防避之下撳嚟睇吓，但估唔到佢send張佢嘅JJ畀我，我嚇到即刻叫咗出嚟。」

第一次的時候只是在社交媒體封鎖該變態男，沒想在同一個月內，對方又再次傳不雅相騷擾她：「我朋友就幫我睇吓佢係咪send裸照，果然又係！！！！今次我唔會放過佢！我知呢個人成日都會不停TAG大家嘅電視作品，所以我更加要警惕大家！大家要小心呢個人send嘅所有嘢！！！」曹銦玲表示公開截圖後對方已沒有再騷擾她，相信他都應該知驚。