通靈之王2︱萬眾期待「估馬仔」登場 福皓三秒極速寫答案 大熱楓燧陷重大危機？

《通靈之王》載譽歸來，新一輯《通靈之王2》，比賽繼續展開，昨晚（4日）播出一集是10強B組淘汰賽最終回，「雷電道長」楓燧、「靈力練習生」福皓、「靈魂科學家」Pallas和「玄學大叔」振鴻，當中將再有一組被淘汰！

B組淘汰賽最終回是萬眾期待的「估馬仔」，他們要猜出2023年8月12日澳門賽馬第五場的頭三甲結果。自稱以天語與「高我」溝通的 「靈力練習生」福皓，與上兩回比賽時一樣自信心十足，他不用三秒便寫下答案，令到主持思洛和Cathy都大感愕然，福皓說：「你哋講題目時，我已經知道喇，我未入嚟就已經有呢三個號碼出現。」Pallas以八字和玄空飛星估答案，她說：「用八字方法其實唔難，嗰日木、火有運行，啲馬有木同火嘅名，中嘅機會都好高。」振鴻以八字計算，他說：「第一、二名我冇猶豫過，一睇個冧吧同相，就好Confirm頭兩名。」

今次比賽大熱之一的楓燧本回合遇上重大危機，身為修道之人的他平時不能接觸賭博，這次更是他第一次睇賽馬，楓燧只能以斗决占卜術估答案，他說：「拍攝時間係子時，即係最陰之時，對修道之人嚟講『子不問卜，子不問卦』，依家喺子時問卦，係超出咗我嘅能力。」最終B組哪位會笑到最後？