林子善25年前《喜劇之王》出道 「洪爺」出色發揮受李力持&星爺認可

林子善勇奪2023最佳男配角獎，經過25年的努力後成功「入屋」，就連當初發掘他的資深導演李力持亦透過社交媒體祝賀子善及發掘他的經過：
1999年電影”喜劇之王”開拍前和商台合作，攪咗個「喜劇之王訓練班」，過千人系廣播道商台門口排隊面試，林子善就係其中一位排隊嘅咖哩啡😂佢當時現場表演嗆，就係電影中嘅洪爺的表演，好得意好有特色，結果就係因為佢現場出色嘅發揮，令到現場嘅所有評判，包括我、星爺(周星馳)、莫文蔚，一致通過佢合格 ，可以成為「喜劇之王訓練班」嘅學員，透過六堂由專業明星演員製作人擔當導師嗆培訓班，最後有接近100位學員順利畢業，可以參加喜劇之王嘅拍攝，所以你在電影中所有見到的配角和臨時演員，都是「喜劇之王訓練班」嘅學員，結果….子善就憑電影中演出洪爺，還有飾演導演的李思捷，兩人從此踏入演藝圈，其他學員好多都係玩玩下，三分鐘熱度，估不到子善可以一直堅持落去。
25年後，時間證明咗，子善系一位有才華有特色嘅專業演員，可以勝任演出任何角色👍🥰
再次恭喜子善🥰於TVB《萬千星輝頒獎典禮2023》，林子善憑劇集《隱形戰隊》奪得最佳男配角，獎項由元華及朱咪咪頒發👏👏👏🥰