StarTalk丨譚輝智親解獲鐵粉拉姑愛戴原因 開騷前被太太嚴控飲食

《中年好聲音2》亞軍 譚輝智 作客《StarTalk》接受主播 許文軒 訪問，身為《中聲2》第一位參賽者喺賽後開個人騷，兼且開騷日期同總決賽日只係短短兩個月，輝智擔心體能同聲線應付唔到咁多首歌，而家集中跑步同游水練體能。

輝智透露太太有控制佢飲食，嚴禁輝智食辣同炸物，甚至連一向鍾意食完麵就飲埋湯嘅習慣都被太太阻止，因為麵湯太肥同辣，所以每次佢食完麵，太太就會掟張紙巾落碗湯度。

輝智話成家人都鍾意唱歌，但從來冇人參賽，爸爸就一直都鼓勵佢做歌手，以前十幾歲時，爸爸想搵人介紹佢入行。至於今次參賽，輝智覺得係對爸爸一個交代，唱完第一集就覺得任務完成，但係爸爸就一直好支持佢，每集都有到場支持，有時仲捱住腰痛坐足6、7個鐘。

參賽後收穫唔少粉絲，講到輝智嘅粉絲就不得不提拉姑狄波拉，輝智親自解開大家迷思，查實連輝智都好奇點解拉姑咁鍾意自己，曾向拉姑求證原因，就等輝智親自講畀大家聽啦！