頑童MJ116澳洲享受男人的浪漫 3成員交流親子經 瘦子望再生B

台灣男團 頑童MJ116 成員 瘦子 大淵 同 小春 呢日出席一個賽車展演活動，幾位愛車之人早前仲親身去到澳洲睇F1賽車，估唔到刺激賽事激發佢地嘅創作靈感，寫咗首新歌，內容關於賽車手獲獎企上頒獎台淋香檳一刻，整個環境使人充滿盛典派對感覺，想要將呢個氣氛延續下去。

瘦子、大淵同小春三位爸爸難得可以去澳洲睇賽車，享受一趟男人嘅旅行，雖然平日佢哋忙於工作，但都好注重親子時光，不時會互相交流育兒經，分享帶小朋友好去處等資訊。瘦子同老婆Jennifer嘅女兒接近兩歲，佢都想再追多個BB，正在努力當中，仲話性別男或女都無所謂，佢都一樣喜歡。

小春日前喺高雄舉行個人音樂會，期間有男子醉酒鬧事，仲喺小春同歌迷影大合照嗰陣大嗌「影遺照」，為免事情更嚴重，最後小春只好請工作人員請鬧事者離場。瘦子大讚兄弟處事大方得體，知道鬧事者從一開始已搞事，小春唱到最後兩首歌才請他離場，若換自己第二首歌已請他離開。