直播靈接觸｜梁思浩忍淚悼念故友顏國樑 前台灣女團成員爆天后求狐仙添仙氣

資深演員 顏國樑 日前因病離世，上月底佢同太太霍潔貞曾亮相《直播靈接觸》分享「續命」經過，作為好友嘅 梁思浩 喺星期一晚播出嘅節目開始前，就同 Jojo 仲 黃耀英 齊齊悼念故友顏國樑，亦向顏太霍潔貞送上慰問同祝福：「好記得佢兩個喺化妝間嗰種恩愛，我到呢刻都唔會忘記，顏太你要保重，所有家人都節哀。」思浩講嘅時候一度眼泛淚光、聲音哽咽。

節目特別向顏國樑悼念

節目昨晚一集邀請咗香港地母殿廟祝 英姐 作嘉賓，另外仲有居港台灣人；台灣第一代女團前成員黃芝蓉(Joyce)。

前台灣女團成員黃芝蓉於節目分享

思浩再三強調，請到英姐上節目絕不容易：「佢哋通常謝絕訪問。」地母殿屬於陰廟，擁六十年歷史，而前往陰廟供奉的善信主要係曾墮胎的父母，英姐難得現身電視節目分享地母殿日常。除咗解開廟宇如何接收嬰靈過程、以及嬰靈完成超渡後去向等神秘面紗外，仲有分享嬰靈可愛同頑皮日常。

地母殿廟祝英姐亦分享嬰靈嘅故事

英姐透露曾接觸過三母女，三人均曾墮胎並遺傳咗罕有病，家姐為咗等候換肝，等咗六至七年未有消息，當三人解決嬰靈問題後，家姐即接獲可換肝電話，令眾主持嘖嘖稱奇。

《直播靈接觸》今晚繼續討論唔同主題

至於昔日喺娛圈打滾嘅Joyce黃芝蓉被思浩逼供大爆台灣演藝圈秘聞：「台灣好多女明星為咗紅拜陰廟，或者鍾意求佛牌，但其實好多時佛牌入面未必真係神，可能係小鬼。曾經有個女明星佢拜錯咗(小鬼)，變成每日要用血去養佢哋，結果佢真係紅咗一段時間，但兩年前佢爆咗件好大單嘅事，依家已經唔喺個圈入面喇，就係佢唔記得用血養佢哋。」Joyce續指有唔少台灣女星愛拜狐仙求添仙氣，當中更包括跳唱天后。

《直播靈接觸》星期一晚21:30 、星期二晚21:35 TVB Plus(82台) 現場直播