2009年參加《超級巨星》入行嘅 周志康 早前接受 潘盈慧 《星光路上》專訪,講到入行將近15年,同哥哥 周志文 以孖仔身份同場,卻原來係誤打誤撞同場參賽。兄弟同心,雖然經過唔同渠道報名,與數百參賽者喺商場參加海選,仲獲得唔錯評語,本來信心十足,但係錄影時發現身邊全部高手,就令自信一去冇回頭喇。
賽後隨住安排加入娛樂圈,成為演員雖然非成為歌手嘅初心本意,抱住見識萬心筒嘅心態仲獲得意想唔到嘅機會。同 汪明荃 合作,新人首次落場零概念,又慌又震之下就惟有兄分對戲盡力練習。
俗語話藝人「聲色藝俱全」,事實上一啲都唔易亦毫不簡單,初入行嘅阿康就試過因為體力不足,拍劇又要兼顧MV,搞到遊魂兩頭唔到岸,令佢大驚之下決心要時刻保持最佳狀態。
劇集扮乖仔乖細佬演得多,無趣亦無挑戰性,阿康就指部份角色同性格有唔少落差,而參加綜藝節目前時嘅真性情被部份監製發現,亦令佢擺脫斯文正路角色,開始扮演壞人奸角二世祖。
睇戲學做衰人賤精,好在對手連詩雅係老友,而《再見.枕邊人》嘅雙面人性格,阿康就認為係對自己嘅一大考驗,好玩之餘亦充滿滿足感。外表斯文嘅佢,仲對未來嘅角色下戰書,認為自己可以壞上加壞,覺得反差可以令演出更加出眾。
早已成婚為人父,阿康指當時踏入人生嘅新階段,係成長嘅一大步,亦令自己思考問題有另一睇法,比從前更專注更努力,家庭為自己帶來無窮無盡嘅動力。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)