許廷鏗挑戰演技包辦動靜角色 遠赴英國球迷聖地取景拍攝

相信大家聽 許廷鏗 唱歌就聽得多，但原來Alfred都有演技細胞，日前佢就挑戰拍攝飲品廣告，演繹足球員同上海灘大亨，一動一靜嘅角色都演得維俏維妙。首次以民初造型亮相電視嘅Alfred直言為上海灘大亨角色落咗唔少功夫，為咗重現大亨嘅「冧死女」鏡頭，面部表情要再「加多兩錢肉緊」。

Alfred早前拍攝一個飲品廣告，平時斯文嘅佢仲大騷腳法

今次拍攝主題同樣令Alfred諗番起初入行嘅自己：「當初參加唱歌比賽、創立自己嘅唱片公司、開YouTube Channel，其實真係本住一個咩都試嘅心態，先可以同大家分享新嘅成果，所以我都好鼓勵大家保持好奇心，或者會發掘到其他嘅可能性。」

佢仲有機會喺晏菲路球場拍攝攝，令佢一嘗英超球員嘅味道

今年5月，Alfred聯同拍攝團隊到晏菲路球場「朝聖」，為英超球隊吶喊助威，一睹高普完成最後一仗時大感觸！Alfred更「做一日英超球員」，同球隊傳奇球星科拿（Robbie Fowler）及高巴拿（Bruce Grobbelaar）切磋球技，「瞓身」大show腳力，簡直係「民間足球高手」！