楊千嬅舉行個人展回顧點滴 預告上海巡唱將有特別驚喜

楊千嬅 日前現身上海，出席舉行個人展開幕儀式。呢次展覽以以「年輪」做主題，展示千嬅29年演藝歷程點滴，千嬅將呢個展覽視作送俾自己嘅禮物，亦希望對自己未有太深認識嘅歌迷可以從中對佢、對佢嘅歌曲有更深入了解。
 
展覽分咗八個區域，三大部分，詳細紀錄千嬅人生嘅重要階段，包括成長紀錄、入行前點滴等。千嬅就話，最後一部分代表「養份」，養份就係自己同Fans嘅一種聯繫。
 
千嬅由上年5月底開始走訪不同地方舉行巡唱，剛剛完成天津站巡唱嘅佢好快就要展開上海演唱會喇，而佢就預告呢次將會為上海歌迷預備特別驚喜，加上喺室內開騷，燈光氣氛都會略有不同。千嬅仲好識做，特別用上海話同當地粉絲打招呼，叫大家記得捧場睇騷。