TVB與內地平台合推八部重頭劇 林保怡呻《刑偵12》由頭打到尾

TVB拉大隊喺上海舉行名為《Hello Hong Kong 你好TVB》發布會，電視廣播有限公司行政主席許濤、節目內容營運總經理曾志偉等高層帶領一眾小生花旦，宣布TVB同內地各大唔同類型平台未來一連串合作計劃，香港特別行政區政府政務司司長陳國基以及上海市委統戰部王珏副部長等官員亦有現身活動，主席許濤亦代表致辭感謝各方支持，佢表示：「TVB作為香港最悠久嘅電視廣播機構，多年來我們始終保持著，百分之80嘅電視收市場份額，源於我們對於港式劇集、綜藝、新聞及資訊性節目嘅內容深耕細作，今天我和我TVB嘅管理團隊，帶著我們對內容融合創新理解嘅追求，向各位發布我們與內地合作黟伴，共同創作嘅文化作品，同時我希望同內地嘅仝人共同深入對話，激發創作靈感促進業務合作，中央政府和香港特區政府對促進兩地文化融合嘅支持，係我哋發展嘅信心，我哋衷心感謝各級各地嘅政府領導，對我們嘅關心、指導和支持，感謝合作夥伴和媒體仝人們，對我們嘅信任幫助，TVB將會更堅定更開放，更具創意嘅姿態，做好文化融合嘅推動者，謝謝各位。」
   
曾志偉表示：「跟我哋內地平台一起合作，一起來帶動，所有文化、所有綜藝、所有節目、劇集一起走進去帶出去，這些其實都要感謝今天來到現場嘅主角，我們香港特區政府陳司長陳國基先生，香港政府一直非常努力來支持我哋，讓我哋TVB走得更前和努力拉成我哋很多跟不同平台嘅合作，所以我哋先能夠走到而家，所以再次謝謝司長。「

香港特別行政區政府政務司長陳國基表示：「我哋亦通過創意智優計劃，支持香港電視台同內地或亞洲嘅團隊，聯合製作綜藝電視節目，以提升香港流行文化嘅軟實力，而其中一個項目就係TVB跟湖南夥伴共同製作《聲生不息‧港樂季2》，節目嘅第一季之前已經大獲好評，令好多內地朋友愛上香港流行曲，我相信節目嘅第二季一定能夠繼往開來，取得更好嘅成績。」

過去TVB同內地多間廣播電視機構同網路平台合作，於五年內打造過百部優質作品，實現千億級傳播聲量，未來，TVB喺劇集、綜藝、新聞資訊節目等各方面都會繼續同內地各平台保持高密度合作，呢日同時宣布劇集方面，TVB會同內地平台合作推出八部重頭劇，包括同優酷合作嘅《法證先鋒VI倖存者的救贖》、《黑色月光》、《巨塔之后》以及《新聞女王2》，仲有同騰訊合作推出嘅《反黑英雄》、《企業強人》、《巾帼梟雄之懸崖》以及《刑偵12》。活動上亦宣布好消息，《新聞女王2》除咗會喺年尾開拍之外，同時亦會開拍電影版，劇集總監製鍾澍佳表示會加入新嘅角色，亦有同續集有關聯嘅角色。
 
林保怡相隔多年回巢拍攝嘅《刑偵12》原來劇本考佢演技亦考佢身手，保怡話拍攝過程由頭到尾都要打，捱打戲份相當多，而張振朗一樣係打到無停手，暫時拍咗一場戲，振朗話都未及保怡哥咁激。楊茜堯回巢拍攝《黑色月光》以復仇女王姿態回歸，茜堯話佢都係第一次拍復仇氛圍咁重嘅女性劇集，所以對佢嚟講都幾大挑戰。

而《企業強人》獲物流集團全力支持，借出大型分棟中心同過百架貨車進行拍攝，份外有真實感，譚俊彥表示，今次喺深圳全實景拍攝，佢亦深入了解到網購背後，每一個繁瑣嘅程序，佢話好難忘陳豪有句對白「嗰件貨物來到你手上面還有温度」，首次同譚俊彥合作嘅陳豪，就話同拍檔好有火花呀。

黃宗澤就自爆因為同佳導食咗餐飯，就唔小心接咗《法證6》呢個沉重角色，佢話由第一集開始已經好Heavy，一直到尾，所以Bosco都講笑話呢餐飯真係好大代價呀。

綜藝方面TVB同抖音合作嘅2024TVB無綫藝員訓練班，呢日亦宣布招生，高海寧同藝訓班出身嘅展鵬、定欣同振朗亦有喺台上宣傳，展鵬表示「之前有記者問我，你讀完書之後就喺TVB，到而家都仲係TVB，你嘅感受係點? 我嘅演藝生涯差唔多有超過40個角色，所以我覺得我蠻期待同幸運。」

之後一眾藝人同嘉賓更參與酒會，慶祝活動圓滿舉行，主席許濤更同嘉賓們一齊祝酒，場面愉快。