林曉峰順德開騷獲爸爸激罕捧場 坦言壓力大驚表現差

林曉峰（Lo）近日喺順德舉行個人音樂會，同歌迷分享由演員到歌手嘅心路歷程，佢獻唱自己嘅作品《自補人生》，以及《古惑仔》嘅經典主題曲《友情歲月》，贏得熱烈掌聲。阿Lo話好開心見到台下有好多情侶，甚至有唔少父母帶小朋友來睇演唱會，令佢印象最深嘅係有好多男人全程跟住唱，有幾個直頭唱到喊，連佢都覺得同對方好似有種相識多年嘅兄弟情咁。

不過最搞笑嘅係，估唔到台下觀眾最想見到嘅竟然係阿Lo除衫，好彩阿Lo見慣大場面，可以輕鬆化解除衫危機。反而係林爸爸罕有現身睇騷，令阿Lo好有感觸：「我係好大壓力㗎，因為我鍾意唱歌，我嘅性格都係來自我老竇，如果我喺台上表現得唔好，係有辱佢嘅。」