TVB大寶藏丨陳展鵬為城寨英雄急操fit 胡定欣一睹袁偉豪曬肌剝衫

TVB新劇《反黑英雄》噚晚首播，袁偉豪首次挑戰奸角，與陳山聰正邪對立，袁偉豪一向好瞓身演出，袁偉豪為咗角色去到好盡，好似佢同陳展鵬拍《城寨英雄》，為咗演活劇中角色，付出唔少汗水心血！

有份參演嘅胡定欣都話兩位男主角喺劇中不時除衫，女觀眾就大飽眼福，而佢就最受惠，因為佢喺劇中一睹袁偉豪除衫。展鵬就話喺開拍前個幾月獲通知要除衫，展鵬火速修身，直認嗰段時間操得好辛苦，因為要邊開工邊操，隨時做好準備去應付打擂台戲，自爆曾因為太攰，喺健身室操到出現頭暈。