反黑英雄丨獨家‧袁偉豪被吊起毒打變「人肉沙包」 繩勒頸部唞唔到氣兼頭充血

黃子恆喺劇集《反黑英雄》飾演大毒梟無良，發現有人佢生意，搞毒品外賣速遞，佢覺得係「大鬼」陳少邦嘅手下做，無良決定畀3日時間，讓大鬼查係邊個做嘅，陳少邦勸阻「陳祖耀」袁偉豪不成。

袁偉豪踩咗黃子恆嘅「地盤」，最終被陳少邦出賣，帶到黃子恆面前，袁偉豪更被吊起毒打，幸好朱晨麗帶隊趕至救咗袁偉豪，但袁偉豪唔追究，告唔入黃子恆；袁偉豪呢場戲真係瞓身演出，拍攝嗰陣係真上吊，變咗「人肉沙包」，袁偉豪坦言拍吊頸戲唞唔到氣，頓時覺得頭充血，佢又指拍被打戲好好玩，感覺好耐冇畀人打過！