反黑英雄｜袁偉豪拍吊頸戲擔心爆血管 姚子羚慘被冰鎮與張振朗有感情線

熱播劇《反黑英雄》以大量實景拍攝增強現場感，加上大量動作場面同精彩劇情，播出幾集已經收到不俗口碑，呢日一眾演員好似 陳山聰 袁偉豪 姚子羚 朱晨麗 等趁回歸假期一齊到商場宣傳，大家仲為 黃子恆 慶祝生日。

扮演警長軒神嘅山聰，就指拍攝時喺香港各區嘅街頭拍攝，令真實感更強，感恩大家短短時間已經咁支持呀。而反派阿Ben呢日就有太太Bowie同小朋友同場，佢日前一場吊頸戲就非常像真，呢日佢就話拍攝時的確有一定危險，不過有工作人員同武術指戲從旁監察，呢場拍完更近乎體力透支呀。

扮演泰國人演出嘅Ronny，事前仲為演出而特別學泰文呀。至於一直未出現嘅子羚，好快就會出場，仲會慘被冰鎮，呢日佢就提到拍攝時正值冬天，加上已經全身濕透，所以就凍上加凍，而佢同 張振朗 仲會有意想不到嘅感情線，Morning朱仲笑佢因為經過冰鎮保鮮，所以毫無遺和感咁話。