福祿壽訓練學院｜福祿壽感動見證學員畢業 麥嘉欣獲讚神還原恐怖片角色

《福祿壽訓練學院畢業Party感謝祭》呢日進行錄影，一眾學員經過十二集訓練段終於可以戴上四方帽畢業喇！三位Professor阮兆祥、王祖藍、李思捷見證住咁多位學員慢慢行上「扮嘢王」之路都覺得好欣慰。決賽在即，祥師兄都希望學員們可以趁呢晚鬆一鬆，好好玩一玩。
 
對於學員們喺畢業Party嘅扮相，祖藍都大讚各位扮得入型入格，特別係麥嘉欣，簡單還原經典恐怖片嘅女主角造型。但查實唔只麥嘉欣扮電影角色扮得似，黃建東、鄭詠謙喺一眾男仔之中都最為突出，無論喺造型定化妝都夠曬精緻。而葉泓聲、黃潤成都唔輸蝕，佢地講嘢嘅神態都好還原所扮嘅角色。
 
而新劇《反黑英雄》嘅演員陳山聰、朱晨麗、張馳豪、曾文心、丘梓謙作為嘉賓現身Party，雖然佢地喺劇中係正義英雄，不過幾位就笑言擔心自己會俾一眾學員玩死啊。