福祿壽訓練學院丨李思捷指導眾學員扮秋官經典廣告 鄭詠謙廁所悟出扮嘢要訣

6月23號播出嘅《福祿壽訓練學院》一眾學員復刻七十年代嘅鄭少秋經典廣告，擅長扮秋官嘅李思捷亦現身親自教學，同大家討論扮嘢嘅方向，好似70年代時，秋官嘅表情係點？表情又係點？

思捷指無論點都要有秋官嗰種瀟灑魅力，葉泓聲、黃建東、鄭詠謙、趙亮昭、梁山山、彭建豪接受思捷嘅提點後，個個好似上晒電咁，無論唱歌同講嘢，均流露秋官嘅神髓，鄭詠謙特登喺廁所練幾個鐘，摸索扮嘢嘅秘訣。

另一批學員亦要化身美艷舞蹈員喺後面伴舞，估唔到變聲高手林樂熙反串做女仔都咁驚艷，而因為呢個比賽已扮過多次女人嘅郭浩皇，深深體會到做女人唔容易！