黃建東回鄉尋根祠堂驚遇福祿壽 邁向總決賽緊張升級盼自我突破

近日正參與《福祿壽訓練學院》比賽嘅 黃建東 ，不時因為節目中嘅同成員相處而感動落淚，近日仲因為節目而緣故而回鄉尋根，東東話：「因為認識咗筷子基，又因為佢而認識咗廣東網紅阿包，發現原來我同阿包都係花都同鄉。佢知道我未返過鄉下後，就好鼓勵我返去尋根認祖。所以就跟佢同筷子基首次返花都，佢哋仲幫我搵到我嘅黃氏宗親。」

東東佢哋當日抵步後廣州一直落住滂沱大雨，點知當到達黃家祠堂時就忽然放晴，令東東覺得非常神奇。當佢步入黃家祠堂祭祖時，見到神枱上刻有「福祿壽」大字更會心一笑，覺得好似上天安排參與節目，令佢可以回鄉認祖歸宗呀。

東東此行又順道遊覽花都，品嚐著名嘅臭屁醋同逛人氣倉儲式超市，又約埋JW王灝兒一齊逛夜市整腸粉。

訓練學院賽程步入白熱階段，東東就指自己每次過一關都覺得壓力更大，所以每一次選擇扮演嘅人物，都希望可以有突破自己嘅結果，所以計劃總決賽演出令自己緊張到爆炸咁話。

《福祿壽訓練學院》今晚 20:30 翡翠台