肥媽Fans聚會《中聲2》成員撐場 急針灸開聲為Fans求紙尿褲

近年擔任《中年好聲音》評判，同時又不時於網上開直播嘅 肥媽 ，呢日同一大班Fans聚會，伍仲衡 周國豐  韋綺姍 陳俞霏 安雅希 尹新杰 等中二生都有現身。雖然肥媽身體抱恙，不過就依然堅持同大家見面，事前仲急急針灸開返聲，呢日大家仲齊齊以； 國風打扮襯返主題呀。

肥媽同黑妹好快就會再開演唱會，上次反應熱烈之餘，仲有朋友投訴佢哋又唱又搞笑，要著定成人紙尿褲以防笑到出洋相，難怪呢日佢哋話要搵贊助啦。

同樣個個星期開Live嘅伍仲衡同周國豐，呢日繼續舌劍唇槍，而一班中二成員就齊齊上台為大家獻唱，肥媽仲叫大家唔好再諗咁多，快快報名參加《中年好聲音3》，千祈唔好錯失呢個好機會呀。

《中年好聲音3》報名連結： https://tvb.app.do/mlss3